Да Цябе, о бласлаўлёны Юзафе, уціснутыя нядоляй, звяртаемся і, поўныя даверу, просім тваёй апекі пасля апекі тваёй Найсвяцейшай Абранніцы.
Праз тую свяшчэнную сувязь любові, якая яднала цябе з Беззаганнай Дзевай Марыяй, Маці Божай, і праз айцоўскую любоў, якую ты меў да Дзіцятка Езуса, паглядзі, просім цябе, ласкавым вокам на дарагую спадчыну, якую Езус Хрыстус набыў сваёй Крывёю, і сваёй моцай і дапамогай прыйдзі на дапамогу ў нашых патрэбах!
Апякуне Божай Сям’і, прадбачлівы, аберагай выбраны народ Езуса Хрыста; аддалі ад нас, о наймілы ойча, пошасць памылак і заганаў, якая атручвае свет; спрыяльна дапамагай нам з Неба ў гэтай барацьбе супраць улады цемры, о наш наймацнейшы абаронца; і як некалі ты ўратаваў ад смерці жыццё Дзіцятка Езуса, якому пагражала небяспека, так цяпер абараняй Святую Божую Касцёл ад варожых падступстваў і ўсялякіх нягодаў; і распасцірай над кожным з нас сваю нястомную апеку, каб мы, пераймаючы твой прыклад і карыстаючыся тваёй дапамогай, маглі жыць у святасці, пабожна памерці і дасягнуць вечнага шчасця ў Небе.
Амэн.
Малітва да святога Юзафа напісаная Папам Львом XIII у энцыкліцы Quamquam pluries у 1889 годзе. Традыцыйна чытаецца напрыканцы Месяца святога Юзафа (сакавік), падчас навэнны або адразу пасля малітвы святога Ружанца.
