Ne jemi një shoqatë e vogël katolike e të rinjve dhe të rriturve që kërkojnë diçka më shumë sesa thjesht vullnetarizëm.
Miqtë e Lazrit bazohen në miqësi, lutje dhe shërbim ndaj të varfërve dhe të përjashtuarve. Është një dashuri e marrë nga Zoti që duam ta dhurojmë për ata që ndihen të vetmuar ose të privuar nga dashuria. Me ne bashkëpunojnë edhe njerëz jobesimtarë që ndajnë vlerat tona.
Ne i zgjatim dorën atyre që jetojnë në vuajtje dhe margjinalizim, në varfëri ekstreme dhe vështirësi materiale. Emri “Miqtë e Lazrit” i referohet dy Lazrave: të varfrit nga Ungjijtë që vdes përpara shtëpisë së të pasurit, dhe mikut të vërtetë të Jezusit, që u rikthye në jetë.
Të jesh Mik i Lazrit do të thotë gjithashtu të jesh pranë atyre që nuk janë të varfër materialisht, por që janë në kërkim të qetësisë, vlerave, dashurisë, besimit dhe dëgjimit. Angazhimi ynë përfshin fëmijë, të rinj, ata që kanë nevojë për edukim, shoqërim, dhe të përndjekurit për shkak të fesë, përveç formimit dhe përhapjes së vlerave të vërteta dhe të përbashkëta.
Nevojat përreth nesh janë të mëdha: materiale, njerëzore dhe shpirtërore. Por shtëpia, puna, arsimi dhe të drejtat nuk mjaftojnë për të sjellë lumturi: është dashuria, miqësia, dëgjimi dhe besimi që sjellin paqe dhe gëzim.
