«Заўтра пачынаецца навэнна перад святам Божага Нараджэння. У гэтыя дні раю вам дзве рэчы. Часта ўспамінайце Дзіцятка Езуса, пра любоў, якую Ён мае да вас, і пра доказы Сваёй любові, аж да смерці за вас.
Раніцай, устаючы адразу, як пачуеце звон званка і адчуеце холад, успамінайце Дзіцятка Езуса, Якое дрыжала ад холаду на саломе. На працягу дня старайцеся добра вывучыць урок, добра выканаць працу, быць уважлівымі ў школе з любові да Езуса. Не забывайце, што Езус узрастаў у мудрасці, узросце і ласцы ў Бога і людзей. І найперш з любові да Езуса сцеражыцеся ўсялякай правіны, якая магла б Яму не падабацца.
Рабіце, як пастухі з Бэтлеема: часта наведвайце Яго. Мы зайздросцім пастухам, якія пайшлі да бэтлеемскай стайні, убачылі Яго адразу пасля нараджэння, пацалавалі Яго ручку і прынеслі Яму свае дары. Шчаслівыя пастухі, — кажам мы! Аднак нам няма чаго зайздросціць, бо такое ж шчасце маем і мы. Той самы Езус, якога пастухі наведалі ў Ягонай стайні, знаходзіцца тут, у табэрнакулюме. Адзіная розніца ў тым, што пастухі бачылі Яго цялеснымі вачыма, а мы бачым Яго толькі верай; і няма нічога, што было б Яму больш прыемнае, чым часта прыходзіць да Яго.
А як наведваць Яго? Найперш — часта прымаючы Святую Камунію. Іншы спосаб — час ад часу заходзіць у касцёл на працягу дня, нават толькі на хвіліну».
Святы Ян Боска
Крыніца: Біяграфічныя ўспаміны дона Яна Боска, т. VI, раздз. XXVI, 15 снежня 1859 г., с. 351–352.
Пераклад: Сябры Лазара
© Tutti i diritti riservati. Riproduzione consentita solo chiedendo permesso a info@amicidilazzaro.it
(non verrà concesso a siti con pubblicità/ads o per usi commerciali)
© All rights reserved. Reproduction allowed only with permission from info@amicidilazzaro.it
(it will not be granted to sites with advertising/ads or for commercial uses)

