in

Lutja e Babagjyshit të Vitit të Ri

babbo-natale-che-prega
nga Bing Creator

Jezusi im i dashur dhe i shtrenjtë,
nuk doja të zija vendin Tënd.
Unë sjell vetëm lodra dhe dhurata,
ndërsa Ti sjell dashuri dhe hir.

Njerëzit më japin lista dëshirash
dhe shpresojnë që ato të bëhen realitet;
por Ti i dëgjon lutjet e zemrës
dhe di si t’u përgjigjesh.

Fëmijët përpiqen të sillen mirë
dhe të mos qajnë kur vij në qytet;
por Ti i do pa kushte
dhe dashuria Jote nuk njeh kufij.

Unë lë vetëm një thes me lodra
dhe një gëzim kalimtar, që zgjat vetëm një stinë;
por Ti lë në zemër një dashuri të thellë,
plot kuptim dhe arsye për të jetuar.

Shumë njerëz besojnë tek unë
dhe gëzoj atë që mund të quhet famë;
por unë nuk kam shëruar kurrë ndonjë të verbër
as nuk jam përpjekur të ndihmoj ndonjë të çalë.

I kam faqet rozë
dhe zërin plot të qeshura;
por nuk kam duar të shenjuara nga gozhdët
as premtime për jetën e amshuar.

Mund të gjeni shumë si unë
në qytet ose në qendra tregtare;
por Ti je i vetmi i Plotfuqishëm,
i aftë t’i përgjigjesh lutjes së një mëkatari.

Dhe kështu, Jezusi im i dashur dhe i shtrenjtë,
këtu gjunjëzohem për t’u lutur,
për të të lavdëruar, për të të adhuruar
dhe për të të dhënë lavdi në ditën e lindjes sate të shenjtë.

Amen.

pentecost-3409407_1280

“Caritas in veritate” – Enciklika Papa Benediktit XVI

christmas-3882868_1280

Në Krishtlindje (Gjon Pali II)